Agencies: Thursday te PV Sindhu Denmark Open laga second round te South Korea’s 17 umar An Se Young logot hariya biche te te olai jaise.
Sindhu, world champion 14-21, 17-21 pora Young logot 40 minutes match te harise. Etu toh BWF World Tour te etu youngster logot te log kuriya pohili bar ase hoile bhi Sindhu bar kuribole pariya nai.
BWF World Championships August mohina te chitiya biche te, etu toh BWF tournament te Sindhu laga teen bar wala hariya ase. Sindhu China Open laga second round te Thailand’s Pornpawee Chochuwong logot harise aro eti biche te Korea Open laga pohila round te Beiwen Zhang logot harise.
South Korean coach Kim Ji Hyun laga under te Sindhu pora World Championships te chitise hoile bhi tai laga personal chamela pora team ke chari kena jaa bich te tai modot lagi kena dekhi ase.
India laga third straight high profile toh Wednesday te Saina Nehwal aro Kidambi Srikanth duijun bhi first round te olai jaa biche te khotam hoise.
Olap ake te, India laga men’s doubles pair Satwiksairaj Rankireddy aro Chirag Shetty duijun 16-21, 15-21 pora Chinese pair Han Cheng Kai aro Zhou Hao Dong duijun logot te harise.
Sameer Verma ke bhi Chen Long pora 12-21, 10-21 te harai dise.
Add Comment