PV Sindhu aro Sameer Verma second round kushise

Agencies, 14 November: Wednesday din Olympic silver medallist P V Sindhu aro Sameer Verma toh Hong Kong Open World Tour Super 500 tournament laga second round deh kushise. Third seedes Sindhu toh Thailand’s Nitchaon Jindapol logode 21-15 13-21 21-17 pora suru khel jetibole parise. Aro tai jun laga khel toh ek-khonda pora olob minute bechide kothom howah thakise. Thai khelari logode sindhu jeta toh fourth wala ase. Etu season deh Sindhu toh tinta laga khel deh silver medals jeti kena ase. Tai silver medal toh Commonwealth Games, World Championship aro Asian Games deh jeta thakise. Tai next Korea’s Sung Ji Hyun logode khelibole ase. Hyderabad laga 23 sal khelari toh Korean logode 8-5 pora agae thakise. Men’s singles deh, etu sal laga Swiss Open aro Hyderabad Open deh jeta Sameer toh Thai Suppanyu Avihingsanon logode 21-17 21-14 pora jetise. Etu pora tai next China’s Olympic champion Chen Long logode khelibole ase. Hoilebe purana Singapore Open champion B Sai Praneeth logode Thailand laga Khosit Phetpradab pora haraideya thakis. Tai jun laga khel toh 62-minute time deh kothom howah thakise. Preneeth toh against Khosit logode 3-0 pora agae deh thakise. Hoilebe tai tournament deh 21-16 11-21 15-21 pora bow out hoise.