Guangzhou, China. Sunday Dec 16: Sunday din Guangzhou, China te PV Sindhu pora history ponaise. PV Sindhu pora Japan laga Nozomi Okuhara ke haraikena, India laga poila wala BWF World Tour Finals tournament jita manu hoise. Sindhu pora ito match 21-19, 21-17 koikena jitese. Jowa sal bhi taijon hi log paise aro Sindhu harise, ito tournament te hi. Ito salt oh Sindhu karoni pise dan sal thakise. Tai nekta tournament bi njite bole para nai. Hoilebi aji tai ito tournament jitekena India laga naam phal koritise. Second game pora tai start to last tak tai Nozomi Okuhara ke lead kori kena ahise aro last te 3 match point paikena araam se jitese. Ito match 1 konta pora olop pise inaka thakise.
28 sal world no. 6 Sindhu jowa jowa sal pise Final te ektum mon pekhaina harikena ahise. Rio Olympic te tai Final spain Carolina Marin logote harise, ito sal Asian Games aro CommonWealth Games te bhi tai heartbreak hoise. Aro World Championship Finals 2 par harikena ase. Hoilebi PV Sindhu, kosish kora kitia bhi nachare aro jowa kali tai mocha ekta fore hand smash marikena tai ito BWF World Tour Finals tournament jitese.
Men’s final Japan laga Kento Momota aro China laga world no 2 Shi Yugi khilibole ase.
Add Comment