Agencies, 18 September: Thursday te Olympic silver medallist PV Sindhu toh Denmark Open badminton tournament te hisha nahobo nemide bahar hoise. Etu tournament toh Odense toh October 13 para 18 tak lobole ase.
Gopichand Academy te ekta source para janidebole mon nahoi kena koise, Sindhu toh Denmark te nakhelibo, tai olaise”.
25 sal othi thaka world champion toh Thomas aro Uber Cup Final para pahar hoise hoilebe Badminton Association of India (BAI) president Himanta Biswa Sarma laga request bechide hisha lobole fesla korise. Hoilebe tournament toh aha sal nemide deri korideshe kelay koile COVID019 pandemic toh ola nemide.
Thursday te BAI para Denmark Open nemide entries potha players ke letter lekha te tai khan toh nejor laga zamidari te jabole nahoile hisha lobole kowa thakise kelay koile aji kali pandemic thaki thaka nemide aro tai khan para be consent toh September 17 pithor te pothabole nemide koise.
Sindu para Denmark te jabole opor te kelaaf kora fesla korise koilebe tai toh November te lobole thaka Asia Open-II aro Asia Open-II te hisha lobole plans ase.
Kidambi Srikanth, Lakshya Sen aro Subhankar Dey toh consent letters potha khan ase aro super 750 event te hisha lobole ase.
Saina Nehwal aro Parupalli Kashyap para be tai khan laga consent letters pothaishe hoilebe tournament laga date agae te final fesla lobo.
Add Comment