PV Sindhu, Kidambi Srikanth aro HS Prannoy Second round de kushise

Agencies, 11 September: Indian shuttler PV Sindhu toh even de ektum dukh koribo lagibo. Tuesday din Japan Open de  Kidambi Srikanth aro HS Prannoy toh sosta pora jeti-kena second round de kusha thakise. Third seed Sindhu toh Sayaka Takahashi  logode 17 7-21 21-13  pora women’s singles opening round jeta thakise. Tai Sayaka Takahashi   logode 53 minutes de kothom howah toh phoi khai thakibo lagibo. Sindhu toh next Chinese Fangjie Gao logode khelibole ase. Etu Chinese Fangjie Gao toh tusara Indian khelari Jakka Vaishnavi Reddy logode 21-10 21-8 pora jeti-kena second round de kusha laga ase. Asian Games de silver medal jeti kena kahani bona Sindhu toh final jinx de jetibole kosish koribole ase.  Men’s singles de, Prannoy toh Indonesia laga Asian Games gold medallist Jonathan Christie logode 21-18 21-17 pora jeta thakise aro Srikanth toh Chinese Yuxiang Huang 21-13 21-15 laga pora phal howah thakise. Second round de Prannoy toh Indonesia laga Anthony Sinisuka Ginting logode khelibole ase aro Srikanth toh Hong Kong laga Vincent Wong Wing Ki logode khelibole ase.  Asian Games laga second round de Srikanth aro Prannoy toh hara thakise aro etu tuita khelari toh final de jetibole kosish koribole ase. Hoilebe tusara Indian khelari Sameer Verma toh tusara men’s singles opening round encounter de 18-21 22-20 10-21 pora hara thakise. Indian mixed doubles pairs Satwiksairak Rankireddy aro Ashwini Ponappa toh opening round de hara thakise. Aro Pranaav Jerry Chopra aro N Sikki Reddy toh next round de kushibole para thakise. Chopra aro Reddy toh Malaysia laga khelari Mathew Fogarty aro Isabel Zhong logode 21-9 21-6 pora jeti-kena second round kusha thakise. Chopra aro Reddy toh next Malaysian khelari Peng Soon Chang aro Liu Ying Goh logode khelibole ase.