Agencies, 15 November: Thursday din Hong Kong Open World Tour Super 500 tournament laga quarterfinals deh olympic medallist shuttler PV Sindhu toh agae jabole paranai. Hoilebe Indian khelari Kidambi Srikanth and Sameer Verma toh kushibole parikena ase. Third seed thaga world no. 4 Sindhi toh Korea laga Hyun Ji Sung logode 24-26 20-22 pora hara thakise aro tai jun laga khel toh 59 minute deh kothom howah thakise. Sindhu hara karni India khelari toh women’s singles deh nathaga hoise. Etu agae deh Saina Nehwal toh first round deh hara thakise. Hoilebe India’s men’s singles shuttlers toh Srikanth aro Sameer logode ektum phal pora suru hoise. Tai jun be last eight round deh kushibole pari kena ase. Etu sal laga Commonwealth Games deh silver medal jeta fourth seeded Srikanth toh H S Prannoy logode 18-21 30-29 21-18 pora jetise. Tai jun laga khel toh ek-khonda aro seven minutes deh kothom howah thakise. Srikanth toh next Japan’s Kenta Nishimoto nahoile Thailand’s Kantaphon Wangcharoen logode khelibole ase. Sameer toh tai laga opponent Olympic champion Chen Long jokhom powah karni competition pora pahar hoise. Etu pora tai quarterfinals deh qualified howah ase. Tai next Denmark’s Hans-Kristian Solberg Vittinghus nahoile local hope Lee Cheuk Yiu logode Friday deh khelibole ase.
Add Comment