Kuala Lumpur, 6 January : Badminton te, duita Olympic medallist PV Sindhu aji Kuala Lumpur laga Stadium Axiata Arena te hua Malaysia Open 2026 badminton tournament te wapas action te ahibo.
Season-opener hisab te thaka itu top-tier BWF Super 1000 tournament, Sindhu karone ekta notun shuru mark koribo, juntu tai injury-hit 2025 campaign pichete ahise. Kuala Lumpur te India laga women’s singles challenge te Malvika Bansod aru Unnati Hooda bhi thakibo. Men’s singles te, Paris 2024 semi-finalist Lakshya Sen aru Ayush Shetty India laga umeed loi kene court te namibo.
Men’s doubles te India laga prospects duita world championships bronze medallist Chirag Shetty aru Satwiksairaj Rankireddy lead koribo. ‘Sat-Chi’ Malaysia Open te third seeds ase, aru itu tournament taikhan 2024 te jitise. Itu laga majote, women’s doubles event te India laga challenge Treesa Jolly aru Gayatri Gopichand spearhead koribo, jitu duijon last mahina Syed Modi International tournament te title defend kora pichete itu tournament te ahise.
Add Comment