Agencies, 02 August: World champion P V Sindhu toh personal karan nemide ahibole moina laga Thomas aro Uer Cup Finals para olaishe. Aro tai be Denmark te Super 750 tournaments te hisha nalowa thakibo. Thomas aro Uber Cup Finals toh Aarhus, Denmark jaga te Octo ber 3 direk apra 11 direk tak lobole scheduled korise aro etu toh sport calendar te putli kora te first tournament hob ole ase. Etu calendar toh jowa hapta sport’s governing body BWF para ola thakise.
Olympic silver-medallist’s father P V Ramana para PTI ke koise, “Sindhu toh Thomas aro Uber Cup Finals te personal karan nemide hisha lobole naparibo”.
Tai aro koise, “Tai ke olob kaam ase. Etu para tai toh event te skip koribole olabo. Ami khan para tai laga fesla opor te Badminton Association of India ke janaideshe”.
Thomas aro Uber Cup Finals bechide Denmark Open I (October 13-18) aro Denmark Masters (October 20-25) lobole ase.
Sindhu toh kaam laga tournament nemide nemide national badminton camp, Hyderabad te training loi thaka ase.
Sindhu ke charikena aji kali world championship bronze medallist B Sai Praneeth, former world no.1 Kidambi Srikanth aro women’s doubles player N Sikki Reddy ekala ase SAI-Pullela Gopichand Academy jaga te training loi thaka.
Add Comment