Doha, 28 October: Sunday deh Qatar laga government pora kowah toh, foreign workers khan desh pora pahar jabo karni bosses pora permission loi thaga toh aji pora permission naloi kena jabo paribo. Tweeter deh interior ministry pora koikena thaga toh, 2018 laga Law No. 13 toh aji pora bonaidese. September deh Qayar pora visa system toh hataidebo karni mana thakise. Notun law laga pethor deh company laga five percent workforce khan employers pora permission naloi kena charibole paribo. Ministry pora kowah toh, Qatar pora charibo karni nama thakise koile Expatriate Exit Grievance Committee logode complaint file koribe. Tin din majode etu laga kotha kotha koribole ase. Last November moina pora UN’s International Labour Organisation logode agreement kora bechide Qatar pora etu hataidebole kora toh sobse dangor wala announcement ase. Jowah sal rights group Migrant-Rights.org pora research publish kora hesab deh, government pora thaki thaga visa request deh namana thakise. Qatar deh nai-nai koilebe two million foreign workers nesana ase.
Qatar deh foreign workers desh pora charibole paribo
Add Comment