Qatar, 14 February : Teen-bar champion Iga Swiatek Qatar Open laga semifinal te punchise, Elena Rybakina ke 6-2, 7-5 te harai gane Thursday din. Swiatek abun Jelena Ostapenko logot semifinal te khelibo, jun Ons Jabeur ke 6-2, 6-2 te harai gane final te punchibole chance ase.
Rybakina surute Iga Swiatek logot 4-2 laga head-to-head advantage thakise, kintu ija te itu tie hoi jaise. Ekaterina Alexandrova laga winning streak cholai ase, aru sixth-seeded Jessica Pegula ke 4-6, 6-1, 6-1 te harai dise. Alexandrova, jun ranked 26th ase, itu hafta te top-ranked Aryna Sabalenka ke bhi harai dise.
Alexandrova aro ekjon American player logot semifinal te khelibo. Amanda Anisimova Ukraine laga Marta Kostyuk ke 4-6, 7-5, 6-4 te harai gane agibole punchise.
Add Comment