World No.10 Caroline Wozniacki toh Tuesday te Qatar Open pora olai jowa teenta players majote ekjun thakise. Etu Dane toh “sardi bimar” olaikena thakise koise, Doha laga tournament organizers laga statement hisabte. “Moi bimar ase, etu toh khata kahaani ase,” tai pora khobor manu khan ke koise. “Moi gau thik nai. Moi ke bukhar olaise. Hoi, moi gau thik nai. Bisna te wapas jaikena aaram koribo.” Wozniacki pora koise ki tai ahiya habta Dubai Tennis Championships te khelibo paribo nimite bhal hoile bhal hobo koikena phabana ase.
Tai logote Australian world number 14 Ashleigh Barty, aro France laga 19th-ranked Caroline Garcia bi Tuesday te khobor korise ki tai tweijun Doha te khelibole naparibo.
Barty pora komor jokhom paise koise aro khobor bi korise ki tai Dubai te na khelibo.
“Gobal biya hoikena moi komor te olop jokhom powa nimite Doha aro Dubai te khelibole napribo,” Barty pora koise.
” WTA doctors khan logote logpowa bicche te, konoba habta aaram koribole tai khan laga kotha maanise.”
Garcia khelibole napariya laga ekko karan diya nai.
Add Comment