Qatar para Israel-Hamas ceasefire set kurisey

Qatar laga foreign ministry para koisey ki Israel aro Hamas majotey ceasefire tu Sunday te 0630 GMT para suru hobo. 

Etu ceasefire para 15 moina laga war huwa picheyte larayi-jhagra hoithaka tu rokhaidibo. Aro militants khan para Gaza Strip te bandi banaikina rakha dozen opor manu khan aro Israel para jail te kaid kurikina rakha ekso opor Palestinians khan ke charidiya dikhibole asey. 

Israel laga Cabinet para etu deal tu Saturday phujur faley approve kurisiley; etu ceasefire para first kaid hoikina thaka manu khan release huwa dikhibole asey. 

United States, Qatar aro Egypt para bisi moina war hoithaka party khan majotey indirect baat-chit kora picheyte, etu barbadi anidiya larayi-jhagra te second truce(war olop homoi nimitey rokhaidiya) hasil kora tu etu ceasefire asey. 

Gaza Health Ministry laga hisap te Israel para Hamas laga khilaf te war kora te Gaza te 46,000 manu murisey, bisibhak maiki aro bacchakhan. Hoilebi mora manu khan majotey kiman militants thakisey etu kuwanai. Israel para sabut nidikina koisey ki taikhan para 17,000 opor fighters ke moraidisey. 

Qatar para koisey ki Israel aro Hamas majotey ceasefire tu Sunday din te 6:30 GMT para effect te ahibole asey. 

Etu deal under te, aha 6 moina te Israel para jail te kaid kurikina rakha ekso opor Palestinians khan laga bodli te 33 bandi banaikina rakha manu khan ke release kuridibo. 

Baki khan, including mota soldier khan ke second phase tu second phase te release hobole asey kuntu laga baat-chit tu first phase te kuribole asey. Hamas para koisey ki taikhan para baki bandi banaikina rakha manu khan ke lasting ceasefire aro Isra

Hamas para etu deal laga first din te 3jun bandi banaikina rakha maiki, 7^th din te 4jun aro next 5 hapta te baki 26 ke azad kuridibole monjur hoisey. 

Israel para etu ceasefire deal under te release hobole thaka 700 opor Palestinian kaidi laga list disey.