Quad summit nemite PM Modi United States jaishe

September 22, 2021. Wednesday pujur te India laga Prime Minister Narendra Modi toh United States jarishe. Prime Minister Narendra Modi para 4 din nemite trip jaishe aro etu pongchikena tai para United Nations General Assembly te Quad summit te kotha koriboli ase koishe. PM Modi para aro US visit kora samai alag-alag bilateral meeting thakiboli ase. “ami US te visit kora toh United States logot Comprehensive Global Strategic Partnership tangor koribo aro ami khan laga strategic partners – Japan aro Australia logot bhal relation bonaikena important global issues nemite melikena kotha koriboli ase,” koikena Prime Minister Modi para US te naja akhe te etu khobor  toh janaishe. Quad summit nemite kotha kora te, PM Modi para koishe ke, “etu laga kam toh US logot tangor partnership thaka toh aro masbot koribo aro Japan aro Australia logot be mel-melab te kam koribo.” Prime Minister Modi para aro koishe ke, tai UN General Assembly te kotha kora samai “pressing global challenges” te kotha koribo aro etu oper te Covid-19, terrorism aro climate change nemite te kotha koribo koishe.