Qualifier 2 IPL: CSK Pora DC Ke 6 Wicket Pora Harai Dise

Andhra Pradesh:Friday, Vishakhapatnam te VIVO Indian Premier League (IPL 2019) laga Qualifier 2 te, champions Chennai Super Kings (CSK) pora ektam phal pora khili kena Delhi Capitals (DC)  ke  six wickets pora ACA-VDCA Cricket  laga IPL laga final te bonjibole karne  harai dise. CSK pora taikhan laga bowling aro fielding laga mehnat toh DC ke 147  pai dibole ektam mehnat kurise aro ektam aram pora taget ke khetaise, aro  19 over te 151 run bonjise. Dwayne Bravo (2/19), Ravindra Jadeja (2/23), Deepak Chahar (2/28) aro Harbhajan Singh (2/31) mari kena eight wickets share kurise  aro DC ke bowl kuribole chuni kena check te rakhise. Sunday (May 12), Hyderabad te IPL te CSK khan final te  Mumbai Indians logot te khilibole ase. Etu tweita team etu tournament te twei bar log kurise aro MI pora twei bar chitise aro Chennai khan pora ek bar chitise. CSK pora 2010 te final chitise, MI khan 2013 aro 2015 te chitise. Total  ke khetai kena, Faf du Plessis pora (50 off 39 balls; 7x4s, 1×60 aro Shane Watson (50 off 32; 3x4s, 4x6s) pai kena CSK logot te 10.2 overs te 81 run di kena chitai dise.