May 07, 2024 : District Level co-ordination Committee & District Level Enforcement Squad NTCP, Wokha para toh hoiley ekta quarterly meeting loishey, DC conference hall tey para, 06th May, 2024 tey. Itu meeting toh hoiley SDO (C) Wokha- Nuhuta Tunyi para chair kurishey.
Itu meeting laga homoi tey, 33 Schools (GHS, GMS & GPS), Wokha district under tey, Tobacco-Free Schools khan thaka laga declare kurishey, kuntu toh hoiley Chief Medical Officer, Wokha Dr. Zuben Kikon para present kurishey.
Sr. Dental Surgeon & DNO, NTCP, Wokha Dr. Chenithung Yanthan para itu NTCP quarterly present kuri thaka homoi tey, state kurishey ki, Wokha district under tey, tatey toh hoiley 191 School khan asey, kotey tohh oiley 103 school khan toh hoiley agey para Tobacco-Free school khan thaka laga declare kuri di kena asey, aru 88 school khan toh hoiley aru- bhi tobacco-free school koi kena declare kuriboley baki asey. Itu laga regard tey, tai para koishey ki, effort khan toh hoiley kuri asey, ensure kuriboley karney ki, itu alag school khan bhi tobacco free school khan thakiboley laga declare kuridibo koi kena, bishi juldi. Yanthan para itu bhi inform kurishey ki, 65 Heath Centres, 50 Health Centres khan toh hoiley agey para agey para tobacco free health centres koi kena declare kuri di kena asey. Paachta bosti khan , Wokha district under tey thaka laga bhi tobacco free bosti asey koi kena declare kuri dishey. Itu khan chari kena, Dr. Yanthan para inform kurishey itu members khan ke, ki, counselling khan bhi dishey client khan ke, chariboley itu tobacco laga saman khan chulaboley laga tey para aru itu opor tey jeetiboley pariboley nimitey pharmacological support khan bhi dishey, itu clients khan ke.
Wokha laga District Education Officer para inform kurishey, itu members khan ke, itu meeting laga homoi tey, ki, itu alag bachi kena thaka 88 school khan kuntu toh hoiley aru bhi declare kuriboley asey tobacco free school khan koi kena, lagi thaka information aru direction khan toh hoiley issue kuriboley asey, utu school khan ke, ensure kuriboley early implementation kuriboley, declaration nimitey, tobacco free school khan laga.
SDO (C) para sob members khan ke aru stake holder khan ke inform kurishey, concentrated effort khan diboley karney, target khan achieve kuriboley karney, itu alag alag activity khan laga, under NTCP tey aru Tobacco laga use toh komti kuriboley karney, tai para itu team ke itu-bhi encourage kurishey, intensive awareness campaign khan aru sensitization programme khan undertake kuriboley karney, awareness banaboley, itu public khan bhitor tey, itu manu laga gaaw mangso ke biya para effect kuria laga opor tey, tobacco khaishey koiley, nahoilebi tobacco khan chulaishey koiley. Kisim kisim tobacco khan laga product khan chula para kuntu – pan, gutkha, shada, biri, cigarette, kala shada, supari khan, aru asol toh itu tobacco laga pata bhi milai kena, aru itu khan nishina tobacco related saman khan, kuntu consume kurishey koiley, alag alag cancer khan hoi thakey, especially oral cancer khan nishina.
Add Comment