R.G. Kar Medical College & Hospital laga former Principal, alag 3 jun judicial custody dey

Kolkata, 24 September : Kolkata dey ekta special court para Monday dey R.G. Kar Medical College & Hospital laga former Principal aro alag three jun ke October 7 tak judicial custody dey pathaishey, financial irregularities case laga connection dey.Alag three jun manu, kun ke October tak judicial custody dey pathaishey itu toh Afsar Ali, Suman Hazra, aro Biplab Sinha asey. Kitia Ali toh Ghosh laga personal bodyguard asey, alag tuita toh R.G. Kar ke business entities supplying medicines aro medical equipment laga owners asey.Monday dey, the Central Bureau of Investigation laga (CBI) counsel para special court ke janai dishey ki 18 digital gadgets laga digital cloning laga process ke itu investigation homoi seize kurishey, kuntu dey mobile phones, laptops, hard discs aro memory cards milaina thakishey, alag maju dey, complete huishey. Itu investigating officials para itia itu ke examine kuri asey aro bisas asey ki itu financial irregularities dey related thakia matter dey important clues ulawoley expect kuri asey, examination process piche dey, tai submit kurishey.Ghosh laga khilaf main charges toh R.G. Kar dey tendering process ke manipulate kuria asey, ineligible suppliers nahuiley contractors karney jagah panawoley, infrastructure-related work orders, smuggling bio-medical wastes aro hospital morgue dey ahia unidentified laash laga organs diwoley norms bypass kurina.