Bucharest, 12 May : Paanch round khotom hobar pora, Indian Grandmaster R Praggnanandhaa Poland laga Duda-Jan-Krzysztof logot sixth round te khelibo, aru black pieces pora game shuru koribo. Itu match Tuesday din Bucharest te hobo, juntu Superbet Classic — Grand Chess Tour laga ekta part ase.
Praggnanandhaa ekta jeet pai ase round three te Uzbekistan laga Nodirbek Abdusattorov logot, aru baki charita match draw hoise. Itu karone, total paanch round pora Praggnanandhaa laga points tinta ase, aru tai American Fabiano Caruana aru France laga Maxime Vachier-Lagrave logot joint lead te ase.
D Gukesh laga jeet khuj abhi tak cholte ase. World chess history te sabse kom age te world champion hoise, kintu etiya tak paanch game te chari draw aru ekta har he ase.
American duo Levon Aronian aru Wesley So, Romania laga Deac Bogdan Daniel aru France laga Firouzja Alireza milaike 2.5 points logot fourth spot te ase. Tai logot Abdusattorov, Duda aru Gukesh milaike eighth position te ase, 10-player round-robin tournament te.
Tournament te total prize money USD 350000 ase, aru first prize hobo USD 100000. Tai karone, sab laga nazar etiya Praggnanandhaa upor te thakibo, karon Duda logot game khotom hobo pisot, last three round te tai duita white pieces te khelibo — Alireza, Wesley aru last te Aronian logot.
Gukesh karone recovery laga rasta abhi dangor ase, kintu tai bar bar prove korise ki tai ulta situation pora bhi bounce back koribo pare. Monday laga ekdin rest day Gukesh karone ekta important break hobo juntu te tai laga comeback shuru koribo pare.
Caruana aru Vachier-Lagrave bhi Praggnanandhaa nisena ekta jeet aru chari draw pai ase, aru dujon bhi rest day ahibo age tak bhal form te ase.
Pairings round 6: Duda Jan Krzysztof (Pol, 2) vs R Praggnanandhaa (Ind, 3); Wesley So (Usa, 2.5) vs Levon Aronian (Usa, 2.5); Firouzja Alireza (Fra, 2.5) vs D Gukesh (Ind, 2); Maxime Vachier-Lagrave (Fra, 3) vs Nodirbek Abdusattorov (Uzb, 2); Fabiano Caruana (Usa, 3) vs Deac Bogdan Daniel (Rou, 2.5).
Add Comment