Agencies, 27 June: 2018 te box office te Race 3 hit howa bechite fourth film nemite plan hisab te kaam kori ase na nai besi kotha phela thakise. Franchise laga fans nemite kushi khobor kelay koile Race 4 toh scripting stages te thaka nemite.
Ekta source para Pinkvilla ke film toh Shiraz Ahmed para script kora thakise. Tai poila film laga tinta instalments te kaam kora thakise aro etiya fourth part nemite kaam kori ase koise. Producer Ramesh Taurani para director te joldi suru koribo aro final script lock howa bechite casting koribo. Film toh etu sal kothom howa para suru koribole bhabona ase hoilebe chese toh COVID-19 situation opor te be ase koise.
Race aro Race te lead kora Saif Ali Khan toh fourth te korai ahibo na nahaibo kobo napari kena ase nahoile Race 3 te chara Salman Khan toh continue koribo na nakoribo najani kena ase. Tuita films toh Abbas-Mustan para direct kora thakise aro third toh Remo D’Souza para thakise.
First Race toh 2018 te ola thakise aro starred Bipasha Basu, Katrina Kaif, Anil Kapoor, Akshaye Khanna aro Sameera Reddy thakise. Second Race toh screens te 2013 te ola thakise aro etu te Jacqueline Fernandez, Deepika Padukone aro John Abraham logote Anil Kapoor, Ameesha Patel aro Saif Ali Khan thakise. Race 3 toh pura series laga reboot thakise aro Daisy Shah, Saqib Saleem with Salman Khan, Anil Kapoor aro Bobby Deol dekhise.
Add Comment