‘Race 4’ nimitey script tayar asey, ‘Soldier 2’ te kaam chuli asey

New Delhi, June 23 : Veteran producer Ramesh Taurani para koisey ki action crime film “Race” laga part 4 nimitey script tayar asey. Aro tailaga banner Tips Films para “Soldier” aro “Bhoot Police” laga dusra part bi banai asey.  Filmmaker Ramesh Taurani laga latest release huwa film tu “Ishq Vishk Rebound” asey. Kuntu te Rohit Saraf, Pashmina Roshan, Jibraan Khan aro Naila Grrewal thakisey.  “Race” film laga Part 1 aro Part 2 ke Abbas-Mustan para direct kurisiley. Etu duita part te bi Saif Ali Khan lead te thakisey. Etu duita part te bi Akshaye Khanna aro John Abraham para villain laga role kurisey. Etu film laga third part ke Remo D’ Souza para direct kurisiley. Aro etu te Salman Khan main role thakisey. Aro Bobby Deol villain thakisey.  Ramesh Taurani para ekta interview te PTI ke koisey, “Race laga part 4 nimitey script tayar asey. Amikhan para etu film te kun kun asey etu joldi announce kuribo. Etu film laga actor khan tu nutun hobole asey. Salman Khan etu laga hisa hobo na nai etu ami kobo naparey. Etu film laga production tu etu saal laga last fale suru hobole asey. Etu film ke kun para direct kuribole asey etu laga faisla etya tak bi koranai.” Tips Films para produce kora “Race” tu 2008 te release hoisiley. Aro etu film success huwa nimitey 2013 te etu film laga Part 2 release kurisey. Etu picheyte 2018 te Part 3 release kurisey kuntu toh biya review pa laga bawajut box office te bhal perform kurisey. Taurani para koisey ki taikhan para ‘Bhoot Police’ aro ‘Soldier’ laga bi dusra Part banaboel asey.