Agencies, 20 July: Superstar Prabhas para ektum rokha film Radhe Shyam olabole laga direk janaishe. Tai para film toh ahibole sal dangor screen te hit koribole ase koise. Instagram te Prabhas para Radhe Shyam laga tusara poster share korise aro film toh worldwide 14th January 2022 te olabole ase koise. Film te be stars Pooja Hegde toh leading role te ase.
Radhe Shyam te be Sachin Khedekar, Bhagyashree, Priyadarshi, Murali Sharma, Sasha Chettri, aro Kunaal Roy Kapur ase. Project toh alak alak language te ase aro etu toh Hindi, Telugu, Tamil, Malayalam aro Lannada language te olabole ase.
Kaam te, Prabhas ke pan-India project ase aro etu te Deepika Padukone aro Amitabh Bachchan ase. Tai ke toh Om Raut’s Adipurush te Saif Ali Khan logote dekhibole ase. Tai Ram role kora thakibo aro Saif toh villain Ravan laga role kora thakibo film te.
Add Comment