California, 7 March : Indian tennis star Sumit Nagal toh BNP Paribas Open laga main draw dey agey jaishey ekta ‘lucky loser’ nishna, Spanish superstar Rafael Nadal itu highest level dey khiliwoley taiyari komti hua karoney itu event para withdrew kuria piche dey. Itu 26-saal Nagal itu qualifying tournament laga second round dey harishey huilewi dangor break paishey kiley kuiley itu draw dey tai sobse highest ranked khiladi thakishey. Tai itia ATP rankings dey 101st dey asey aro agey jawoley entitled thakishey juti last-minute main draw withdrawal thakiley.
Itu Indian, Canada laga Milos Raonic ke samna kuribo, ekta 2016 Wimbledon finalist kun rankings dey pachaina asey, Friday agey dey. Khiladi khan kun minimum six mahina karney jokhum huishey, ekta protected ranking bisariwoley paribo, kuntu taikhan ranking laga average asey, jokhum hua agey three mahina homoi dey.
Agey dey, Nadal, 37, tai laga withdrawal ekta statement dey janai dishey. Itu Spaniard toh jokhum laga issues samna kuri thakishey aro jaa season ekta hip surgery luwoley majboor huishey.
Tournament director Tommy Haas para Nadal laga withdrawal upar dey tai laga disappointment janai dishey.
Nagal jaa mahina ATP top-100 dey ghusishey, Chennai Challenger event dey title jeet karoney. Tai, huilewi, julti ulai jaishey chuli thakia tournaments dey underwhelming results karoney.
Add Comment