Rafael Nadal laka retirement tournament ticket dham tho bishi uthi jai ase

October 13, 2024: Rafael Nadal para agae deh taila retirement announce kuri shae. Nadal para taila last action tho Spain laka Davis Cup deh taki bo kui shae, Netherlands laka against. Etu tournament tho November mohina deh taki bole ase aro tai, Carlos Alcaraz, Roberto Bautista Agut, Pablo Carreno Busta aro Marcel Granollers kan lokot deh kili bo. Etu tho legend laka final tournament taka karne, fans kan event karne ticket tho book kuri bole rush kuri ase. Official platform deh tickets kan tho bishi hapta agae deh biki jai shae, Nadal tho Alcaraz lokot deh pari kuri bo taka karne. Hoile b taila retirement announcement aha piche deh, resellers kan para ticket laka dham tho bishi uthai di nah ase. Viagogo deh price kan tho 34500 Euros b punchi nah ase kuto approximately Rs31 lakhs ase. Taila retirement announcement tho ekta social media deh post kura video deh banai shae. Nadal para etu kui shae,” Mui  professional tennis para retire kuri ase kui nah mui yeteh ahi nah ase. Husa tho mui karne sal kan tho mui karne dictar taki nah ahi ase. Limitations taki nah mui kili bole para nai, muila papna deh. Etu tho husa lah b ekta dictar decision ase. Etu decision deh ahi bole mui kun bah time tho liki shae.” “Hoile b etu life deh sob lokot deh ekta shuru aro ekta kotom takeh. Aro muila papna deh itia tho thik time ase, muila career tho kotom kuri di bole. Hoile b mui bishi excited ase, muila last tournament tho David Cup deh taki bo kui nah.”