India, 16 January 2025: Indian Air Force (IAF) khan 40 aircraft opor nishina deploy kuribo, tadeh taikhan laka latest Rafale fighter aircraft b thakibo, breathtaking aerial display dikha boleh etu saal laka Republic day celebration te, IAF khan pra statement te janai dishey. Source khan laka hisap pra, indigenously developed Advance Light Helicopter (ALH) Druv aro Tejas fighter aircraft toh Republic Day Parade laka hisa nahubo.
Air Force khan laka statement hisap pra, ALH Druve toh grounded he thakibo Gujarat te crash te hwa pichideh aro flypast te nachulabo. Tejas Light Combat Aircraft, tai laka stellar performance di kina b, olai dishey tai laka single-engine configuration karne, kun toh parade nimite eman prefer nakureh. Hoileh , Tejas Republic Day parade te olop bar toh uri shey.
Flypast te formations laka alak alak variety thakibo, 22 fighter jets, 11 transport air craft aro 7 helicopters laka prowess toh dikhabo. Taikhan bitor te Rafale, Su-30, MKI aro C-130J Hercules sopse notable thakibo, kun toh aerial patterns khan banabo national capital laka opor te. Wing Commander Manish Sharma India Today TV ke khota kura time aerial display laka koishey, Flypast toh duita blocks te bhak kuri kina ase. Block 2 toh parade khotom hoi kina hubo, tadeh intricate formations aro precise manoeuvres thakibo.
Republic Day celebrations toh National War Memorial te hubo, etu hoi kina ceremonial marching contingent thakibo Indian Air Force laka. Contingent te charta officer aro 144 participants thakibo, IAF band khan pra tunes baja te march kuri kina. Band te 72 musician thakibo.
Add Comment