Rahul: Fuel daam otha nemite Modi govt ke putnam

New Delhi: Monday din Congress leader Rahul Gandhi para petrol daam otha nemite government logot putam korishe aro bemari samai tax collection kam toh narokikena jai ase koishe. Tai para etu kotha kowa toh hoile cities besi te petrol laga daam toh 100 oper jai thaka nemite ase. “states besi te unlock kora kam soruh hoishe aro Modi government te saman daam otha thikibo. Tax collection bemar toh jai ase,” koikena Gandhi para junaishe. Congress chief spokesperson Randeep Surjewala para be petrol laga daam para public ke looti ase aro etu Modi government laga kam ase koishe. “public ke besi looti ase- 13 moina neshina samai te petrol aro diesel laga daam toh Rs 25.72 aro Rs 23.93 per litre te othishe. States konuba te toh petrol daam toh Rs 100 per litre hoishe. Modi government para taxes otha nemite ase hoilebi petrol aro diesel te crude oil daam otha para nahoi,” koikena tai para Twitter te janaishe. Congress khan itya government oara petrol aro diesel te daam otha nemite thik taari te ase koishe. Opposition party para petrol aro diesel laga daam toh GST regime pithor te aniboli janaishe.