August 27,2020: Congress leader Rahul Gandhi para Thursday te centre khan ‘fair and inclusive’ COVID-19 vaccine access strategy nathaka nimete etia tak khilaaf kurishe.
India laga coronavirus tally toh Thursday din te 33 lakhs uporte uthi thaka nimete Gandhi koishe ki etu te COVID-19 vaccine access strategy laga okobi sign khan nai.
Gandhi para tweet kurishe ki”ekta fair aro inclusive COVID vaccine access strategy toh etia para kurikena thakibole thakishe hoilebi etia etu laga signs ekta bi nai .GOI tayari nathaka toh thik nai.”
Senior congress leader laga tweet toh August 14 laga tweet laga jawab te asde kuntu te tai para government khan ke strategy olabole koishe etu vaccine toh dibole nimete thakishe koile toh.
Tai para aro koishe ki centre khan enika nishena COVID-19 vaccine access strategy olabole lageh kuntu para sob manu khan India te vaccine laga eki access thakibole nimete.
Gandhi para august 14 laga tweet te koishe ki “India toh ekta COVID-19 vaccine-producing nations thakibole ase etu toh bhal para sabole lageh inclusive & equitable vaccine access strategy ensuring availability, affordability & fair distribution nimete GOI khan etia kuribole lageh.”
Gandhi para bishi bar central government ke bodnam kurishe thakishe coronavirus cases bishi utha nimete.
Etia India laga coronavirus tally toh 33,10,234 COVID-19 cases hoishe etu te 75,759 fresh cases last 24 hours te olaishe.
1023 deaths logote last 24 hours te olaikena India laga death toll toh 60,472 hoikena ase.Human trails alg alag COVID-19 vaccines nimete etia duniya te loi ase etu te India bi ase.
Add Comment