RAJNANDGAON, NOVEMBER 10 : Congress President Rahul Gandhi toh Darbarsahib Gurudwara, Rajnandgaon, Chhattisgarh te Saturday din jaise. Etubi Chhattisgarh Assembly Elections nemite tai kan Party laga Manifesto janaidiya bejete. Aro tai etu jaka te jai kena prathana kuridese koise.
Etu Manifesto janaidiya din te “Jan Ghoshna Patra” hisabte mani kena thakise. Etubi Rajnandgaon te. Aro etu jaka toh Chief Minister Raman Singh laga Constituency ase. Aro etu din mana time te kotha janaide kena etu Congress Chief Rahul Gandhi pora mon bitor pora kossom khai kena kotha janaidiya time te tai etu State te chulti pora Kheti kura kan nemite 10 din majutte Loan dedebole kuribo, bhal Healthcare Facilities anedebo aro maiki kan nemite Safer Society anedebole kuribo koi kena janaide thakise koise.
Rahul Gandhi porabi tai Public kan chama kurikena thaka time te kotha janaidiya ke Bharatiya Janata Party (BJP)-led Central Sorkar ke khilaf pora kotha janaide thakise. Etu ke tai BJP-lead Central Sorkar kan poisa notun ulaidiya aro GST anedebole kurakan toh ekdam thik nathaka laga ase koi kena janaise. Etu oporte tai bi Prime Ministers kan majutte Narendra Modi pora ami kan desh laga Economy biya aro nahua kuridiya nesena kun porabi kuranai koi kena janaise koise.
Etu Chhattisgarh state te Assembly Elections toh 2 ta Phase hisabte manabole ase. Etubi November moina darek 12 aro November 20 te. Aro etu election laga vote bura toh December 11 te saidebole ase koise.
Add Comment