Rahul Gandhi journalists geraaftar opor te kotha koishe

NEW DELHI: 

Wednesday te Congress president Rahul Gandhi pra teenta journalists ke geraaftar kura nimite condemn kurishe. Uttar Pradesh Chief Minister Yogi Adityanath toh pagala kam kuri dekhai ase kuwa nimite tai khan ke geraaftar kurishe. Weekend te teenta journalists ke geraaftar kura nimite social media te bishi debate hoishe. Debate toh desh te express kuribole azadhi opor te kotha kurishe.

Khobor hesab te total panchta manu ke geraaftar kurishe. Etu te freelance journalist Prashant Kanojia ke bhi geraaftar kurishe aro tai khan ke cchief minister khilaf te biya kotha lekha nimite tai khan ke opor te charges lagaishe.

Tuesday te Supreme Court para adesh dishe ke Mr Kanojia toh bail te immediately charidibole lage. Aro tai laga maiki para Mr Kanojia laga geraaftar khilaf te challenge kurishe.  

Rahul Gandhi tweet kuri kena koishe judi moi khilaf te RSS/BJP para missa laga khobor dee kena publish kuri thaka opor te moi action loi le toh etiya bishi newspapers/ news channels khan te staffs khan toh bishi komti hubole thakishe. UP CM toh pagala kaam kuri ase aro geraaftar kuri kena thaka journalists khan ke chari dibole lage.