New Delhi, January 11: Delhi election hobole olop hapta baki thaka homoitey, Congress leader Rahul Gandhi tu January 13 te northeast Delhi laga Seelampur te ekta public meeting te bhasan dibole asey. Etu jankari tu Congress party para Saturday din te disey.
Delhi Pradesh Congress Committee office te huwa ekta press conference te kotha kuwa homoitey, AICC Delhi in-charge Qazi Nizammuddin para koisey ki Gandhi tu desh laga manu khan laga awas hoisey. Tai para koisey ki jitya kotba problem olai, Rahul Gandhi tatey pungchikina manu khan nimitey awas uthai.
Nizamuddin para koisey, “Senior Congress leader Rahul Gandhi para ekta public meeting address kuribole asey- ‘Jai Bapu, Jai Bhim, Jai Samvidhan’- Monday te 5:30 pm te northeast Delhi laga Seelampur area te. Bisi manu, Congress party leaders aro workers khan etu te participate kuribole asey.”
Etu tu Delhi te Rahul Gandhi laga first rally hobole asey.
Prime Minister Narendra Modi tu Delhi te already duita programme kuriloisey. Kuntu te tai AAP convener Arvind Kejriwal aro party laga government ke attack kurisey.
Congress para November te ek moina-lamba ‘Delhi Nyay Yatra’ kurisiley, assembly election ageyte voters khan logotey connect kuribole aro party members khan laga confidence barabole.
Add Comment