Madhya Pradesh, November 13 : Congress MP Rahul Gandhi para Monday din te Madhya Pradesh ke India laga “corruption capital”(poisa kha laga main jaga) asey koikina koisey aro Madhya Pradesh ke etya cholai thaka Bharatiya Janata Party (BJP) laga sarkar ke lagatar poisa kha laga mamla te shamil thaka laga iljam lagaisey.
Rahul Gandhi para BJP ke etu iljam tu ekta viral huwa video laga kotha kora homoitey lagaisey kuntu te Union Minister Narendra Singh Tomar laga chokra aro ekta dalal para bisis crore taka laga kotha kurithaka dikhaisey.
Rahul Gandhi para Madhya Pradesh laga Neemuch district te ekta poll rally te kotha kuri thaka homoitey koisey, “Aji Madhya Pradesh tu corruption laga capital asey. Apni khan para BJP leader Narendra Singh Tomar ji laga chokra laga video dikhikina thakibo parey. Taikhan para apni khan laga poisa looti asey. Rajya laga manu khan tu BJP leader khan para poisa loota nimitey dukh pai asey.”
Tai bhasan diya homoitey etu bi kosom khaisey ki judi Centre aro rajya te Congress power te ahisey koiley ekta caste census lagu kuribo.
Tai para etu kosom bi khaisey ki tailaga party (Congress) laga sarkar para LPG cylinder tu Rs 500 te dibo, kisan khan laga loan Rs 2 lakh tak maaf kuridibo, gehu nimitey Rs 2,600 tak laga Minimum support price (MSP) terabo kuntu toh Rs 3000 tak uthibo aro 100 units tak free bijli dibo.
Madhya Pradesh laga assembly election nimitey voting tu November 17 te ekta phase te hobole asey aro vote laga ginti tu December 3 te hobole asey.
Add Comment