HAVERI, KARNATAKA: Congress chief Rahul Gandhi pora Saturday te Prime Minister Narendra Modi ke koise ki desh ke BJP government pora adangwati JeM chief Masood Azhar toh India laga jail pora olaise kobole koise.
Haveri, north Karnataka laga public rally te kotha koriya samoy te, Mr Gandhi pora koise ki, “Modi pora moi ke bujaibole dibi ki kon pora Masood Azhar ke Indian jail pora Pakistan te bothaise.”
Jaish-e-Mohammed (JeM) pora Pulwama hamla laga zimmedari loise.
Pakistan-based Azhar ke 1999 te Vajpayee government samoy te hijacked Indian Airlines plane IC-814 logote podli korikena India pora chari dise.
Mr Gandhi pora etu bi bodnam korise ki PM Modi pora corruption laga kotha koriya samoy te, pura desh pora jani thakise ki tai corrupt ase koikena.
Tai pora koise ki Karnataka te Congress aro JD(S) laga ruling alliance pora Lok Sabha elections te ekki logote larai koribo aro jitibo.
Mr Gandhi pora PM Modi ke bodnam bi korise ki desh laga manu khan ke “Make in India, Stand Up India aro Sit Down India” nisina tai laga programmes pora jowa panch saal karne buddhu korise.
Add Comment