Agencies, 22 August: Thursday din Congress leader Rahul Gandhi para tai laga baba former prime minister Rajiv Gandhi para kamiyaab howah laga koise. Tai koise, tai laga baba pethor (under) deh Punjab, Assam aro Mizoram accords kamiyaab howah para Indian Union toh gara korise. Etu hapta Rahul Gandhi para koikena thaga toh, tai laga baba laga 75th birth anniversary ke samaan korikena besi kamiyaab howah khan janaidebo. Monday din Rahul Gandhi para Information Technology revolution deh former prime minister laga role opor deh koishe.
Congress leader para Thursday din tweet kora toh, “Rajiv Gandhi ji’s samai deh besi kamiyaab howah khan majode Punjab, Assam aro Mizoram accords ase. Etu para chamela aro gondogol olai thaga toh kothom korise”. Rahul Gandhi koise, etu accords para Indian Union toh gara korise.
Punjab accord ke toh Rajiv–Longowal Accord para jani. Etu toh July 24, 1985 deh Punjab laga shanty nemide prime minister Rajiv Gandhi aro Shiromani Akali Dal leader Harchand Singh Longowal para sign korise.
Mizoram Peace Accord, 1986 toh government of India aro Mizo National Front (MNF) majode official agreement ase. Eu toh Mizoram deh insurgency aro gondogol kothom kuribo nemide ase.
Rajiv Gandhi thaki kena All Assam Students Union (AASU) para 1979 sal deh Assam Accord ola toh August 15, 1985 deh sign korikena kothom korise.
Add Comment