Rahul: Oxygen aro Vaccine neshina Modi be hari ase

New Delhi: Thursday din Former Congress President Rahul para koishe ke, vaccines, oxygen tawai neshina Prime Minister Narendra Modi be hari- jaikena ase, tai ki kali yati-thati noksa te thiki thaki. Hindi, Rahul Gandhi para aro janaishe, “vaccine, oxygen aro tawai neshina Prime Minister be hari-jaishe, kali pachikena thaka toh Central Vista, tawai laga Goods & Services Tax (GST) aro Prime Minister laga noksa ekla hoikena ase”. Gandhi laga kotha toh party logot melaikena kotha kora samai India laga desh besi te Covid vaccines, oxygen aro tawai komti hoi thaka nemite ruling logot kotha para hamla korishe. Kerala’s Wayanad te Congress MP khan para state te Covid vaccines, oxygen supply komti howa nemite central government logot besi tangor kotha kelaishe. Thursday din India te notun Covid-19 cases toh 3.62 lakh neshina thurishe aro etu oper te 4,120 manuh mora khobor paishe. Gandhi para puila para prime minister aro tai laga government logot bemari halat sai thaka oper te besi kotha para hamla korikena ase aro eru oper te itya COVID-19 second wave samai oxygen, tawai aro vaccines komti hoi thaka nemite ase koishe. India te 1 din majot te 3,62,727 cases thurishe, Thursday din etu melaikena India laga COVID-19 tally toh 2,37,03,665 hoishe aro etu oper te bemari para 2,58,317 manuh morikena ase koikena health ministry para janaishe.