Rail Project nemite India ke 7000 crores

NEW DELHI, SEPTEMBER 29 : Friday din India kan 2 ta Loan Agreement sigh kurise. Etubi Japan desh logot. Aro etu sign kura toh Kolkata te Metro Project banabole karne aro Mumbai aro Ahmedabad te high-speed Rail Project banabole karne ase koi kena, Official pora khobor te janaise.Etu kotha mana hisabte Japan International Cooperation Agency kan pora Mumbai-Ahmedabad high-speed Rail Project nemite Rs. 5,591 crore poisa loan hisabte debole ase. Aro Kolkata East-West Metro Project nemite Rs. 1,619 crore poisa loan hisabte debole kuri ase. Sob melai kena Rs. 7000 crore loan hisabte de ase koi kena, khobor te janaise.