Mumbai: Ministry of Railways para Central Railway employee, Mayur Shelke logot ₹ 50,000 enam thiboli junaishe. Tai para jaan risk loikena 6 saal umer bacha ek jun ke jevaan pachaishe koishe. Mr Shelke para tai laga jaan risk loikena train ayaa samai bacha ek jun laga jevan pacha toh CCTV video te paikena Internet te spread hoishe. Railway Board laga Principal executive director para Central Railway’s General Manager logot letter te Mr Shelke laga mon tangor aro kam bhal thika toh award thiboli janaishe. “Shelke para tai laga jaan risk loikena ahai thaka train osor te jaikena platform te bacha ek jun ke othaishe,” koikena letter te lekishe. Etu incident toh April 17 darik Mumbai osor Vangani station te howa ase aro Shelke toh etu station te pointsman kam kori thakishe. Mr Shelke para train rasta te bacha kera toh thikishe aro tai jaikena bacha ke othaishe. Etu samai, tai train rasta te bacha osor te jaishe aro bacha ke platform te othai-thikena tai be oper te othishe, tui(2) seconds beche te train jaishe. Etu laga CCTV footage toh social media te viral hoishe. Central Railway authorities para Mr Shelke laga mon tangor kam nemite saman korishe.
Add Comment