GUWAHATI: Wednesday din Assam government para Raimona aro Dehing Patkai toh state laga 6th aro 7th national parks ase koikena khobor toh junai thishe. Assam te dosura 5 national parks toh Kaziranga, Manas, Nameri, Orang aro Dibru-Saikhowa ase koishe. “Raimona aro Dehing Patkai National Parks toh aji formally juanishe aro itya Assam te sob melaikena 7 national parks hoishe. Assam toh itya India te 2nd besi national parks laga state hoishe. Madhya Pradesh aro Andaman & Nicobar Islands te 9 ase,” koikena state forest minister Parimal Suklabaidya para Aranya Bhawan te media logot khobor toh junaishe. “etu notun national parks para conservation te motob thibo aro etu oper te tourism aro agriculture sectors toh be othibo,” koikena aro Suklabaidya para janai thishe. Raimona National Park toh Kokrajhar district Bodoland Territorial Region te ase aro etu jungle toh northern part Ripu Reserve Forest para loikena dak 422 square km ase, etu jungle laga western jaga toh Eastern Himalaya Biodiversity Hotspot foothills para loikena Manas Tiger Reserve dak ase. Etu jaga toh langur, Asian elephants, tigers, clouded leopards, Indian gaur, wild buffalo, spotted deer, hornbill, butterflies 150 species, 170 species birds thakai jaga ase aro 380 alag-alag plants aro orchids ase.
Dehing Patkai National Park Iaga jaga toh Upper Assam, Dibrugarh aro Tinsukia districts te 231.65 square kilometers ase, etu oper te 47 mammal aro 310 butterfly species thaka jaga ase koishe.
Add Comment