Kohima, March 27: Commissioner & Secretary to the Governor, Rajesh Soundararajan, IAS, para tailaga farewell address te Raj Bhavan te dui saal maan seva kuribole privilege pa laga bari te express kurisey. Tai para Nagaland te tailaga 13 year journey ke reflect kurikina koisey ki tai tu olop homoi karney hey charikina jaiasey aro wapas ahibo. Tai para Hon’ble Governor ke etu moka diya nimitey aro tailaga opor te bharosa rakha nimitey dhanyabad disey aro kosiey ki tai tu bhal memories logotey jaiasey.
Tai para etu Governor tu sob nimitey baba nisna asey aro tai para lesson diya para gyan pa tu acknowledge kurikina koisey ki etu gyan khan tu kitab te napabo aro eney mamuli experience para bi hasil kuribo naparibo. Tai para koisey ki etu toh tai nimitey bisi kimti asey.
Tai para Raj Bhavan laga officer aro staff khan opor te bi majboot hoikina support kora nimitey dhanyabad janaisey, kuntu para atieky tailaga duty mondikina nibhabole modod kurisey.
Etu farewell program te Honorable Government of Ngaalnd, La Ganesan para Rajesh Soundararajan logotey tailaga bhal aro close rishta laga yaad kuribole moka loisey. Tai para agey barikina Rajesh aro tailaga parivar ke pura mon para success aro prosperity nimitey wish kurisey. Tai para Rajesh laga Raj Bhavan laga tenure chulithala homoitey tailaga invaluable contribution dhanyabad janaisey.
Governor laga Joint Secretary Mhomo Tungoe, Governor laga ADC, Squadron Leader Diptanshu Gupta, Officer on Special Duty (OSD) para bi Rajesh Soundararajan nimitey farewell speech disey.
Aijo, JSO para Household staff laga behalf te aro Lucy Konyak, SA para Governor Secretariat Staff laga behalf te tai nimitey khata-khata speech disey.
Etiu programme ke Jochule, Section Officer para cholaisey. Vote of thanks tu Dzuviseno tetso, PPS to Governor para disey.
Add Comment