December 08, 2023 : Itu Rattle Hum Music Society para itu 7th Handshake Concert organise kurishey, Raj Bhavan tey, Kohima laga, 04th December, 2023 tey. Itu Nagaland laga Governor toh hoiley tatey Chief Host thakishey itu program tey aru Chief Guest toh hoiley JK Tyre & Industry Ltd. laga Managing Director – Anshuman Singhania thakishey. Itu program tey toh hoiley Chief Minister – Neiphiu Rio para bhi attend kurishey koishey.
Itu Governor para itu chief guest aru tai laga maiki aru alag special invitee khan ke bhi milai kena felicitate kurishey, koishey Itu event tey toh hoiley Bangladesh & Head of the Mission laga Asst. High Commissioner, Guwahati laga, Mr. Rahul Amin, NITI Aayog laga official khan, alag alag churches khan laga invitees khan aru students khan aru alag kha bhi attend kurishey koishey.
Itu Nagaland Aeterna Singers Choir para duita gaana present kurishey aru Kewhira stringers khan para duita pieces perform kurishey. Padma Bushan & Grammy award jeeta Pt. Vishwa Mohan Bhatt aru Tabla play kuria manu – Himanshu Mahant para piece perform kurishey, tai laga GRAMMY AWARD Music Album “A Meeting by the river” para, aru itu saath saath alag piece khan bhi.
Advisor Rattle aru Hum Music society – Abu Metha para introductory speech dishey aru sob artis khan aru participants khan ke welcome kurishey aru add kurishey ki, itu handshake concert toh hoiley agey para bhi artist khan aru cultural ambassadors khan ke eke logotey ani kena ahishey, alag alag jaga khan aru kona khan tey para, itu duniya laga.
Add Comment