Rajasthan, 16 April 2025: Gangrape case te accused ke dhuri shey Rajasthan police khan pra. Duita cops pra fake social media profile banai kina maiki acting kura pichideh tai laka bisas pabo leh. Accused toh eight months karne run te thaki shey aro Delhi te dhuri shey successful guise pichideh police personnel Charan Singh aro Ishu Jain pra. Accused toh Naveem Kumar, 32 saal ase, Badaun, Uttar Pradesh laka manu ase aro Rs 20,000 laka inam thaki shey tai laka arrest karne. Case toh August 24, 2024 laka ase kicha ekta maiki Haridwar pra complaint filed kuri shey Rajasthan’s Dholpur te. Tai pra koishey ekta maiki sati pra contact number share kuri hsey manu laka Delhi te, koishey etu manu pra taike madat kuribo kam pabo leh.
Etu manu pra aro alak manu laka number share kuri shey Dholpur pra kicha tai Delhi aro Agra te jabo pari thaki nai. Maiki ke Dholpur te mati shey August 22, 2024 te aro etu mota pra taike ekta sunsan ghor te loi jaishey. Tadeh tai laka sati khan b ahishey. Maiki pra alleged kuri shey taikhan sop taike rape kuri shey aro taike mari shey. Tai koishey tai pulabo parishey kicha accused khan toh humai thaki shey aro taikhan against te case filed kuri shey. Police khan tai laka statement record kuri shey aro tai laka medical examination kuri shey. Jaka pra evidence b jama kuri shey.
Tinta accused ke dhuri shey incident hoi kina aro jail te phatai dishey. Hoileh b Naveem toh jaka change kuri thaki shey aro dhuribo pari nai. Mania Police statio SHO Ramnaresh Meena hisap pra, Naveem ke dhuribo leh police khan cyber tools chulai shey.
Add Comment