New Delhi: Saturday din Sikar district, Rajasthan te car ekta para flyover laga divider te marikena nullah te kerishe, etu samai 5 jun morishe aro 1 jun jokom paishe, koikena Police para khobor toh janaishe. Tui jun mora nam toh Hariram (30) umer aro Prabhati Lal (20) umer ase janishe aro dosura laga nam toh janiboli kori ase. Superintendent of Police, Sikar, K Rashtradeep para koishe ke, car toh best speed te jai thaka samai flyover laga divider te lakai beche nullah 15 feet neji te kerishe koishe. Dosura police official para koishe ke, etu car toh Sikar para ahi thakishe aro Jaipur te jai thaka samai etu accident toh Thikariya bosti osor te howa ase koishe. Jokom powa manu toh Jaipur, SMS Hospital te loikena jaishe, koikena Sub-Inspector, Reengus police station, Deepti Rani para koishe. Chief Minister Ashok Gehlot para accident te mora manu ke mon dukh howa janaishe aro jokom powa manu toh joldi bhal hoboli janaishe.
Add Comment