Jhunjhunu, Novemnebr 19 : Prime Minister Narendra Modi para Sunday din te BJP laga ekta ekla mukabala Congress ke election hobole thaka rajya Rajasthan te etu iljam lagaikina hamla kurisey ki Ashok Gehlot laga sarkar under te fuel laga daam tu BJP para chola baki rajya khan laga mukabala te bisi asey.
PM Modi para Jhunjhunu te ekta rally te kotha kora homoitey koisey, “Congress sarkar para apni ke lootibole nimitey eku moka nacharibole asey. Haryana, Gujarat aro Uttar Pradesh te petrol laga daam tu Rs 12- Rs 13 para sosta asey.”
Modi para koisey BJP laga sarkar Rajasthan te power te aha logalog, petrol laga daam ke review kuribo aro fuel laga daam khan te poisa kha laga mamla thakisey koiley etu laga bi jaanch kuribo.
PM Modi para koisey ki review kora picheyte, public khan nimitey nutun faisla lobo.
Agey barikina, Congress ke target kurikina, PM Modi para etu party ke khali ekta nyom – corruption(poisa kha), nepotism(nijor laga parivar nohoilebi china jana manu khan ke moka diya aro manu khan ke gusa uthabole para rokhabole nimitey ki lagey etu diya.
PM Modi para koisey ki etu nyom khan cholaikina, Congress para desh ke dangor loss kuridisey.
Tai para koisey, “CM Gehlot para swikar kurisey ki tailaga MLA aro candidate khan para juwa 5 saal te eku kaam koranai. Etu kile asey koiley tu Rajasthan te ‘Jaadugar aro Baazigar’ laga khel chuli thakisey. Etu homoitey, Congress leader khan tu poisa lootibole busy thakisey.” Aro PM Modi para enaka bi hudisey, “Rajasthan ke barbad kuridiya Congress tu etu rajya te aro wapas power te ahibole lagey naki ?
Etu picheyte, tailaga central government welfare scheme ke count kurikina, PM Modi para koisey ki central government para Jan Aushadi Kendras laga through para 80% tak discount di asey. Tai para janaisey ki Rs 100 laga dawai tu khali Rs 20 te pai asey.
Add Comment