Bengaluru, 13 February : Royal Challengers Bengaluru (RCB) laga noutun captain upcoming IPL 2025 season karone Rajat Patidar ke appoint korise. Itu announcement franchise taraf te Thursday, February 13 din Karnataka State Cricket Association te ekta event te korise.
31 saal laga middle-order batter Rajat Patidar Faf du Plessis laga jagah leadership role loi jabole ase, karon du Plessis last season piche squad pra release korise. Patidar, joitu Madhya Pradesh ke Syed Mushtaq Ali Trophy final te lead korise itu season, ahibole RCB laga history te aath-number captain hobo.
Patidar IPL debut 2021 te korise aru tatinga pra Bengaluru-based franchise laga part ase. Taka IPL career te 27 matches khelise, aru 799 runs score korise 158.85 strike rate te. Mega auction age, Patidar RCB laga tinte retention players te ekjon thakise—Virat Kohli aru Yash Dayal logot—aru INR 11 crore te retain korise.
2022 season age squad pra release korise aru auction te unsold thakise. Hoilebi, Luvinth Sisodia laga injury karone season te replacement player hisab te wapas aahise. Itu season Patidar 8 innings te 333 runs score korise, ekta century include kore, aru itu piche te team laga integral part thakise.
Virat Kohli, joitu RCB ke 2012 pra 2021 tak captain korise, Patidar ke congratulate korise. “Rajat, prothom te, mor laga congratulations aru best wishes. Apuni juntu dhang pra itu franchise te grow aru perform korise, RCB laga fans laga mon te ekta jagah banaaise. Logote, sab fans apuni khelibo dekhibole excited thake,” Kohli koishe.
RCB playoffs 2015, 2020 aru 2021 te Kohli laga captaincy te punchise aru 2016 te runners-up finish korise. 2022-2024 cycle te bhi playoffs punchise, du Plessis laga leadership te. Kohli 2023 te teen matches captain korise du Plessis laga rib injury recovery time te stand-in captain hisab te.
Add Comment