Bengaluru, 14 February : India laga batter Rajat Patidar ke Royal Challengers Bengaluru (RCB) laga captain appoint kora hoise upcoming IPL 2025 karone, jun March 21 te shuru hobo. RCB Thursday din Bengaluru te ekta event te itu announcement korise, juntu te Patidar, director of cricket Mo Bobat, aru head coach Andy Flower bhi thakise.
Patidar former South African batter Faf du Plessis ke replace koribo, jun 2022 para 2024 tak RCB ke captain korise thakise, kintu pichla saal laga IPL mega auction te retain nokora karone team te nai.
Right-hander Patidar team laga teenjon retained players te ekjon ase, Virat Kohli aru pacer Yash Dayal logot. Itu IPL te Patidar laga first leadership role hobo, kintu domestic level te tai Madhya Pradesh ke 2024-25 Syed Mushtaq Ali Trophy aru Vijay Hazare Trophy te captain korise thakise.
31 saal laga Patidar 2021 pora RCB karone khelibo ase, aru team karone ekta dangor player banise. Tai 27 match te 799 runs score korise, 158.85 strike rate logot.
Add Comment