Rajeswari Chakraborty Miss Sikkim 2018 jitishe

GANGTOK | September 24, 2018:Saturday te  Rajeswari Chakraborty pora Manan Kendra te Miss Sikkim laga title jitishe.Aro Rumtek laga Radha Khatri aro Gangtok laga Bharathi Sharma pora first aro second runners up jitikena ase .Rajeshwari toh  Miss Best Personality sub-title pageant te 6 ta round thaka te jitishe etu huwa pichede 16 contestant olaijaishe .Aro final round te ekta common question aro jawab dikena khali 5 jun manu bachikena thakishe .Etu 5 jun te  Rajeshwari ke nutun Miss Sikkim bonaidishe five member judges khan pora marks diya uporte. Sang Doma Tamang aro Diksha Pandey dusra top 5 contestant khan thakishe .”Mui laga naam ola time te mui bishi khushi paishe aro mui laga ama ke sai thakishe .”Rajeshwari koikena janaishe.Etu tin jun manu jita toh porana Miss Sikkim 2017 Peden Ongmu Namgyal, Miss Sikkim 2017 first runner-up Sushmita Gurung aro   Femina Miss India Sikkim 2017 Parmila Chettri pora crown kurishe . First runners-up Radha Khatri pora Miss Congeniality laga sub title jitishe aro  second runners-up Bharati Sharma pora duita sub title kubi Miss Popular aro Miss Beauty with Brain laga sub title jitishe.Dusra sub title jita manu khan laga naam toh  Sang Doma Tamang (Miss Photogenic), Pallavi Basnett (Miss Best Ramp Walk), Passang Lhamu Bhutia (Miss Talented & Miss Beauty With a Purpose), Rabina Pradhan (Miss Radiant Skin) and Khusboo Tamang (Miss Timeless Beauty) ase.Etu event te Forest minister T.W. Lepcha cheif guest thakishe aro Chujachen MLA Bikram Pradhan guest of honour thakishe .