New Delhi, November 28 – Superstar Rajinikanth tai laga family logote Goa ahishe IFFI 2025 laga grand closing ceremony nimete. Actor-jon, jun 50 saal para Indian cinema-te contribution dikhi ase, tai ke festival laga finale-te special honour dibole expect kuri ase, aru etu IFFI-te sobse bishi highlight bana ase.
Rajinikanth aru tai laga family laga ekta picture ceremony nimete jabo age te viral hoijaishe, fans khan majote excitement ulaishe. Goa punchi kina, Superstar-ke hotel staff khan aru fans khan dhol-beat, flower aru warm greeting logote welcome kuri-loishe. Rajinikanth, ekta simple beige shirt aru black track pant pindi, sob khan laga welcome-ke folded hand kori acknowledge kuri-she, tai laga humble nature dikhaikina.
IFFI 2025, November 20 para shuru hoishe, 80 country para ahibole 240 para bishi film showcase kuri-she. Festival-te world aru Asian premiere, special screening, aru classic aru nutun cinema laga bishi exciting line-up thakishe. Etu bar laga edition te restored iconic film, nutun filmmaker khan nimete spotlight segment, aru Indian Panorama section bhi expand kuri dikhai dishe.
Festival close hobo lage thaka time-te, sob laga dinga Rajinikanth laga special felicitation upor-te ase. Tai laga 50 ssal laga journey-ke celebrate kuri boli, etu finale ekta memorable aru emotional moment hobo buli expect kuri ase. Etiya filmmakers, artist aru public khan milaikina India laga ekjon most loved superstar-ke honour kuri bole excited ase.
Add Comment