Mumbai, March 12: Rajkumar Hirani tu ‘Munna Bhai MBBS’, ‘Lage Raho Munna Bhai’ aro ‘3 Idiots’ nisna ekdam unique Bollywood film nisna bana nimitey jana jai. Ekta recent interview te, Rajkumar para share kurisey ki tai Aamir Khan laga film ‘PK’ bana homoitey olop diktar paisey. Kilemaney etu movie tu Christopher Nolan laga film ‘Inception’ nisna bisi ekey lagiya suru hoisey.
Galatta Plus logotey kora interview te, Rajkumar Hirani para share kurisey ki jitya ‘PK’ film laga script likhi thaka homoitey Christopher Nolan laga ‘Inception’ theatre te release hoisey etu duita film laga similarity(ekey-ekey thaka) tu aro bisi clear para dikhibole pari thakisey.
‘Inception’ tu titya release hoisey jitya Rajkumar tu Amir Khan thaka film PK laga script te kaam kurithaksiey. Etu homoitey tai para realise kurisey ki etu film laga kahani tu Nolan laga ‘Inception’ film logotey ekey thakisey. ‘PK’ laga asli concept tu manu khan laga experience aro bhabna kora laga tarika bodli kora laga bari te thakisey.
Etu film laga main character logotey manu khan laga dimag te gusikina taikhan laga poila laga experience khan bodli kuridikina taikhan para zindigi ke sa laga tarika ke bodli kuridibole laga takat thakisey. Hirani para enaka koisey, “Toh amikhan para realise kurisey ki enaka kurisey koiley, amikhan para Inception film ke copy kora nisna dikhibo.”
Enaka nohobole nimitey, PK film bana laga team para script tu bodli kurikina etu film laga second half part te courtroom laga setting dhalisey.
Hoilebi, taikhan para etu ke finalise kuribole ageyte, Akshay Kumar laga ‘OMG-Oh My God’ film release hoisiley aro etu bi PK laga change kuridiya version nisna ekey lagi thakisey. Toh taikey ‘PK’ laga second half change kurithakibole lagisey.
Etu film te Aamir Khan, Anushka Sharma, Sushant Singh Rajput aro Sanjay Dutt thakisey. ‘PK’ tu etya tak laga sobsey bisi tarif pa film majotey ekta hoisey.
Add Comment