New Delhi, August 26 : Rajkummar Rao, kun Bollywood te alag alag role kuribole pariya nimitey jana jai, tai para Shah Rukh Khan nimitey dangor respect thaka tu jataisey. Aro tailaga actor hobole laga faisla te Shah Rukh Khan laga bisi dangor haath asey koisey.
Ekta recent interview te, Rajkummar Rao para reveal kurisey ki kinaka tailaga movie ‘Stree’ para Shah Rukh Khan para tailaga famous line “Vicky please” deliver kora laga ekta viral video para taikey garv aro khusi para bharidisey.
Rajkummar para koisey, “Etu ekta bisi bhal ehsas asey. Amilaga pura zindigi te, aji tak bi, ami koikina ahi asey, of course, Shah Rukh Khan laga dialogue. Of course, ami para taikey izzat disey. Tai ‘Stree 1’ aro ‘Stree 2’ te bi thakisey. Hoilebi, jitya tai nisna manu para ami laga line koi, enaka mashoor line, etu tu eman bhal ehsas asey. Ami etu kotha para samjhabole naparey. Kilemaney tai ami actor huwa laga ekta dangor karon asey.”
Jitya taikey tai kuntu star ke khusi pai koikina hudisey, Rao para Shah Rukh Khan ke tai khusi pa tu jatabole olop bi homoi luwanai.Tai para koisey ki Shah Rukh Khan tu hodai tailaga star thakibo. Aro kun screen te bisi bhal performance diye, kun taikey inspire korey, kun tailaga mon chui, tai tailaga star asey.
Rajkummar laga latest film tu ‘Stree 2” asey. Kuntu ke Amar Kaushik para direct kurisey. Aro etu tu box office te bisi dangor success hoisey.
Etu film tu release hoikina khali 11 din bhitor te Rs 510 crore kamaikina Hrithik Roshan laga ‘Fighter’ film laga kamayi ke par kurisey kuntu duniyabhor te Rs 337.20 crore kamaisiley.
Add Comment