Rajnath Singh para Armed Forces ke motob mangkise

New Delhi: India te coronavirus cases besi othi-thaka nemite, Defence Minister Rajnath Singh para Army logot COVID-19 bemari khan ke saboli nemite state administrations ke motob mangkishe. Security establishment laga khobor lowa manuh khan para Press Trust of India logot koishe ke, Rajnath Singh para Army Chief Gen MM Naravane ke kotha korikena Army khan para civilians logot elaj samai medical facilities aro dosura kam para motob thiboli koishe. Khobor para koishe ke, state te sobse senior army officer aro Chief Minister melikena civilians khan ke parai dak elaj kora samai aro dosura rasta para motob koribo,” koikena janaishe. Khobor para Press Trust of India logot koishe, Defence Minister  toh tai laga sobse tangor ministry aro tinta(3) forces logot kotha koi ase aro desh pura te COVID-19 halat nemite civilian administration ke motob koribo koishe. Khobor para aro koishe, Indian Air Force aro navy leadership logot khobor kori ase aro itya laga bemari halat toh melaikena saboli ase. Defence Secretary Ajay Kumar para koishe, armed forces khan para civilian authorities logot motob thibo pariboli jaga toh sai ase. Etu kotha kora beche, Defence Ministry para desh pura te Cantonment Boards para jolai thaka 67 hospitals te medical services thiboli koishe. Defence Research & Development Organisation (DRDO) para desh pura te civil administrations logot moto thiboli janaikena ase. DRDO para Delhi airport osor te COVID-19 bemari manuh ke elaj koribo nemite medical facility kulikena ase. Etu facility te 250 beds ase aro olop din beche 1,000 beds neshina othibo. Etu organization khan para eke facility toh Lucknow te be kuliboli ase koishe. India te coronavirus bemari toh besi othi-ase, jowa 5 din samai 1 din pithor te 2 lakh cases hotai din thuri thakishe. Bemari besi joldi spread howa nemite, India te hospital beds, oxygen aro tawai besi komti hoi ase koishe.