Rajnath Singh para tin(3) din Ladakh visit kori ase

New Delhi: Sunday din Defence Minister Rajnath Singh para Ladakh te tin(3) din nemite visit kora soruh korishe. Tai visit kora samai, Border Roads Organisation (BRO) para infrastructural projects bonaikena thaka toh Singh para inaugurate koribo aro etu jaga te sepai khan logot kotha koboli ase koishe. “Delhi para Ladakh pongcha beche, ami sepai lokot kotha korikena Border Roads Organisation (BRO) para bona infrastructure projects toh inaugurate koribo,” koikena

Singh para janaishe. Defence Minister Rajnath Singh para aro olop din akhe te Kerala te Kochi aro Karnataka te Karwar jaga te projects kam kori thaka toh tui(2) din kam toh sai thakina peraishe koishe. Karwar te tai para Indian Navy’s Project Seabird toh saishe aro Karwar Naval base toh Asaia te sobse tangor hoboli thibo mon ase etu nemite tai para etu kam nemite budget toh othabo koikena janaishe. Etu samai, Kochi te tai para Southern Naval Command visit korishe aro Indigenous Aircraft Carrier (IAC) te kam kori thaka jaga te jaikena saishe aro desh laga pride aro of Atmanirbhar Bharat laga example ase koishe.