Rajnath Singh pora ahke Smart Border Fence banaise

JAMMU, SEPTEMBER 17 : Union Minister Rajnath Singh toh Jammu aro Kashmir te Monday din punjise. Etubi Smart Border Fence (Berra) banaidebole karne. Etubi Comprehensive Integrated Border Management System (CIBMS) Programme bitor laga naam pora. Etu Union Home Minister lobole karne Chief Secretary B.V.R. Subrahmanyam, Police Chief Dilbag Singh, Divisional Commissioner Jammu Sanjeev Verma, Inspector General Jammu S.D. Singh Jamwal kan tusera Senior Border Security Force (BSF) officers kan logot melekena etu Airport te jaise koise.Rajnath Singh bi etu J&K te punja bejete alak-alak chis kan nemite bhal kotha etu state laga kan ke janaide thakise. Etu ke tai J&K Civic Polls te sob manu hisha kurikena thakibole kuribi koi kena janaise. Etubi Political Parties kan sob ke ahebole laga Panchayat aro Urban Local Body Polls nemite. Kele etu Polls nemite National Conference aro PDP Party kan namanabole hisabte khilaf kura karne (boycott) koi kena.Etu oporte Rajnath Singh porabi Pakistan desh logot husir laga kotha janaide thakise. Etu ke tai Pakistan desh kan neju desh laga osor desh kan ke thik pora aro shant aro aram pora thakibole karne kuribo lagi koi kena janaise. Aro etu ke tai bi Pakistan desh laga notun Sorkar kan edia toh mon melejabole bari koi kena janaide thakise.