Mumbai, August 05 : Mumbai, Production house Rajshri Productions para Monday din te “Hum Aapke Hain Koun…! release huwa laga 30th anniversary manaisey. Etu film tu etya tak laga sobsey mashoor aro bisi poisa kama Hindi film majotey ekta asey.
Etu film ke Sooraj Barjatya para direct kurisiley. Etu musical romance drama te Salman Khan aro Madhuri Dixit lead role te thakisey. Aro Mohnish Bahl, Renuka Shahane, Laxmikant Berde, Alok Nath, Anupam Kher aro Reema Lagoo bi thakisey.
Rajshri Productions para etu anniversary manabole nimitey taikhan laga official instagram account te bisi post kurisey.
First video te, Rajshri Productions para etu 199 minute lamba film para sobsey best moment ek minute te dikhaisey.
Next video te, etu banner para ekta clip share kurisey kotey Doctor Chacha kun laga kirdar Satish Shah para nibhaisiley tai para thik “Didi Tera Devar Deewana” gana laga ageyte ekta romantic sher hunaisey.
“Hum Aapke Hain Koun..!” tu August 5, 1994 te release hoisiley. Etu tu 1989 te release huwa “Maine Pyar Kiya” laga follow-up thakisey.
Etu film tu tagra rishta para bandikina thaka duita parivar aro taikhan laga sathi khan laga bari te asey. Etu film tu release huwa homoitey sobsey bisi poisa kama Indian film thakisey. Rs 127 crore opor kamaisey.
Etu film laga cast para bisi bhal performance diya laga alava, ‘Hum Aapke Hain Koun!” tu etu film laga gana nimitey mashoor hoisey kuntu ke Raam-Laxman para gaisey. Aro gana laga lyrics ke Ravinder Rawal aro Dev Kohli para likhisey.
Add Comment